Haweeney wariye cadaan ah oo la ilmaysay ka dib markii ay maqashay aadaanka Salaada la isugu yeero (Daawo Muuqaal+Warbixin)

-->

Haweeney wariye cadaan ah ayaa waxaa la sheegay inay la ilmaysay oo ayna oohin af labadii yeertay ka dib markii ay maqashay aadaanka Salaada la isugu yeeo marka la gaaro waqtiga tukashada.

Haweeneydaan oo lagu magacaabo Kate Humble oo ka tirsan shaqaalaha telefishinka BBC ee dalkaas Ingiriiska ayaa waxaa la sheegay inay oohinta ay ceshan weysay ka dib markii ay dhegaheeda ay ku soo dhaceen aadanka salaada maqrib, haweeneydaan oo ku sugnayd magaalada Jedah ee dalka Sacuudiga halkaas oo ay ku diyaarinaysay barnaamij ay uga hadlaysay dalka Sacuudiga ayaa waxaa la siinaayey warbixin ku saabsan masaajidada magaalada Jedah iyadoona uu warbixintaas u jeedinaayey nin lagu magacaabo Samy, hadaba haweeneydaas oo meel sare fuushay si ay uga bogato dhaqdhaqaaqa magaalada ee marka la gaaro waqtiga salaada ee uuna dhaco aadaanka Salaada ayaa waxay indhaheedu qabteen kala orodka dadka oo dukaamada wada xiraayo iyo iyadoo mar qura ay isla wada dhawaaqeen samaacadaha ama mikroofanada masaajido fara badan taas oo keentay inay haweeneydaas ay indhaheedu ay ilmada ka qubato islamarkaana ay ku tilmaanta waxa ay aragtay wax la yaab leh oo ka awood badan.

Ugu dambeyntiina iyadoo arintaan ay daliil cad u tahay awooda rabaaniga ah ee ay salaada iyo aadanka ama adinku ay leeyihiin ayaa haweeneydaan oo arintaas ka hadlaysay waxaa ay ku sheegtay inay tahay wax mucjiso ah waxa ay aragtay iyo waxa ay maqashayba iyadoona qirtay inay arimahaasi ay ka tan badiyeen oo ay xamili weysay waxa ay indhaheeda ay arkeen ay dhagaheeduna ay maqleen, sidoo kale ayaa ninkii haweneydaas hogaaminaayey waxaa uu sharaxaad buuxda ka siiyey aadaanka Salaada iyo heerarkii uu soo marey.

Abdirizak M. (Xiireey)

Holland

Abdirizakxiireey@hotmail.com